Denne garden ligg nesten tun i tun med Midtistoga og har vore eigen gard frå 1837. -- Det heiter i kjøpebrevet frå Sondre Jonsson til Aslak Hansson «den mig ved skjøte av 8. 7. 1837 hjemlede 9 settong.» Skjøte tinglese 4. 3. 1840 til Aslak Hansson.

Den dyrka jord er 25 mål og 20 mål elles, 300 mål utmark. Den halve Ytterbøplassen høyrer til garden. ‏(Attlagd)‏. Husi på garden er gode. Stoga bygt 1840. Buret og eldhuset er og frå den tid. Uthusbygningen frå 1920 åri, fjøset 1936. Gamalt skåp, noko defekt i hengsli etc, -- overdelen er plasera på ivistoga. ‏(44 små speglar)‏. Kvernhus i bekken ‏(sameige)‏, badstoge likeeins.

Aslak Hansson g. II. Åse Knutsdotter ‏(Svolsbru 144)‏ hadde garden til sin død 1896. Enka sel garden 19. 10. 1897 til Tarald Tallevson Versto ‏(Homme 61)‏ g.m. dotteri Gunnbjørg Aslaksdotter ‏(tingl. 8. 6. 1905)‏. I 1939 får sonen Olav Taraldson g.m. Gunhild O. Kvålset ‏(Midtist.)‏ skjøte av mor si.