Dette er garden som Tarjei Hansson Nes hyste opp. Ein fin gard med fritt utsyn over fjell og sund. Omlag 100 mål dyrka jord og 7 000 mål utmark *. Husi er i god stand. Stoga frå 1878 er vølt 1924, uthusbygningen frå 1877 står likeins, men oppatmåla. Ei anna stoge frå 1913 står i nordre kant av tunet. Det same gjer stabburet frå 1912. Då Tarjei døydde 1909, overtok sonen Hans garden ‏(Lønnegrav 115)‏. Han er f. 1881 og g.m. Petra Karoline Mikkelsdotter Flatland. ‏(d. 1939)‏.

Hans Kråkenes som har militærutdaning -- fast tenesttid 1907-20, har vori ein mykje nytta mann i kommunen. Han var ombodsmann i samflotarlaget i Arendalvassdraget i mange år, og har elles hatt med timmeromsetnaden for Vrådal. Han har vori ein nytta skjønsmann ved vassdragreguleringar i fylket m.m. Han fekk Kongens fortenestmedalje i sylv 1947.

Etter 1950 er garden deila millom dei tvo gutane Torgny og Mikkel, såleis at Torgny har sjølve garden og Roholtheii ‏(Grimedalen og Fallsli)‏ og Mikkel har plassen Straume og halve heimeskogen. Hans har att eit skogstykke, Horgeviki i Nissedal.