Garden Steane ligg langt ute på strandi ved Nisservatn, inne i ei dalkro, lognt og bortgøyrnd. frå hovudvegen til Nissedal. Men vegen til Tørdal går tett forbi garden. Namnet Steane kjem av stear, fitar, flate tangar ved elvi. Dyrka mark 35 mål, udyrka 15 mål, 7 000 mål skog. ‏(1700 mål prod.)‏

Garden vart utskild frå nordre Findreng 5.10.1847. Husi på garden er i god stand. Stoga opph. bygt i 1852, men ombygt 1909, uthusbygningen 1848, omb. 1886, byggerhus bygt 1901 og smie 1910. Til garden har høyrt plassen Reinskos, gjekk frå i arveskifte i 1949 saman med eit skogstykke ca. 200 mål og 1/3 part i Vrålsøy og Vassendstaulen med 3 000 mål skog, ‏(det siste fråseld)‏.

Grenser: Mot vest 1 km lang strandline, i sør frå vatnet til Steanelvi og til Kaldvatn på Tørdalsheii og byter med nordre Andreng. Frå Kaldvatn til Fagerlihei byter med Vassendstykket ‑ lenger oppå fjellet med Åmås i Tørdal ‑ i nord Øyskogen med SIokvik lengst nede mot Nisservatn.

Eigarar og brukarar. Ådne Gunnarson Lønnegrav, ‏(f. 1817)‏ g.m. Kristiane Sofie Findreng dotter til fanjunker Aslak Krnutson og Maren Elisabeth Zetlitz, fekk garden utan hus av verfaren. Dei bygde då på Steane. På husestaden stod store mastetre som dei nytta til å byggja av. I kontrakti 19.8.1847 står det at Ådne skulle ha gratis husvære på n. Findreng dei fyrste 3 år. 1 mål åker godt gjødsla og 50 spdr. til å byggja for. - Skyld 6 ¾ settong, likt på båe bruk ved delet.

I Ådne si tid var Steane eit midtpunkt for vekkjingi i Vrådal. ‏(Jfr. boki av Sigrid Sveridsen og boki av Jon G. Steane: Vår over Vrådal)‏. Her song dei og arbeidde, og garden tok snart form med hus og jord i Ådne si tid. Aslak Ådneson overtok garden Steane etter far sin. Han var den fyrste kaptein på «Dølen» som gjekk på Nisser. Aslak g.m. Helene Mørland, Arendal. Aslak selde garden til Gunnar Ådneson Naper g.m. Signe, syster til Aslak. Sidan fekk Andreas son deira, garden i 1905, g.m. Anna Åselie Båsland. ‏(Holt.)‏ Dotter deira Agnes g.m. Jon Gerhard Reine, Nissedal overtok garden 1949. Ei syster Signe Marianne g.m. Åsmund Nirisrud, Nissedal fekk Reinskos med skog i 1949. ‑ Merk: Gunnar Ådneson Naper skreiv frå seg odelen til nordre Findreng til fordel for ungane av O. O. Findreng og Kari Kilane, ‏(Maren, Hæge og Olav)‏.