Dela frå nedre Braui 1913, då Jon Gunnarson g.m. Gro O. Omtveit, heldt att denne parten og hyste her. Jon selde garden i 1929 avdi familien skulle emigrere til Amerika. Det blei ikkje noko av utvandringa, bare dei to eldste døtrene reiste. Etter ein del år i Gjerpen kjøpte Jons eldste son, Gunnar, garden tilbake på odel i 1937. Det var då Jons bror Aslak som åtte garden.
Jon og Gro budde på og dreiv garden resten av levetida si. Etter at Jon døydde i 1962 sel Gunnar garden til broren Olav i 1964. Olav J. Brauti dreiv garden fram til 1987, då overtok sonen Ole Sigvart Brauti. Han er eigar av garden i dag ‏(2011)‏.

TiI garden høyrer plassen Apalstoi ‏(nedre)‏. Undeberg høyrde og til, men er fråseld til eige bruk. ‑ Noverande eigar Eivind Heimdal drukna i Bandak 1958 g. m. Bergit Haugen ‏(Tokkedalen)‏.

Tveitstodalen ‏(attlagd plass)‏ med ævor etter tufter og murar, blei kjøpt inntil frå Tveit nordigard i 1855. Sist budde Gunnar og Juri der ikr. 1870. Her budde Olav Aslakson og Gunhild Gjermundsdotter i 1830 åri. ‏(Utbøen l)‏. Ei langhei, Rauberghei, 1 mil undan høyrer til. Den blei kjøpt inntil Brauti frå Grave i 1876. Staulane Raudberg, Hillestaul og Brotadalen høyrer til -- no berre hamn til sauer. Raudberg er likaste staulen. Der er både fjøs og stoge og staulen har vorte nytta til 1940. Denne heii ligg på grensa til Lårdal. Hillestaul har namn etter Hille, ‏(sjå u/nordre Tveit)‏.
Plassen Skotet, som også har lege under Tveit, blei kjøpt inntil av noverande eigar i 1994.

Skulehuset i Tveit-Roeid, ligg straks ovanfor denne garden og på deira grunn. Skulestoga bygt 1930 ‑ etter at det gamle huset hadde brunne ende fyre.

Eigedomen har 12 mål dyrka jord og omlag 1700 mål skog og utmark. Husi er i god stand. Stabburet er gamalt og flutt frå Haugland i Br.berg. Dei har stolpereist og sett til lofts høgdi.