Denne garden ligg aust og opp for Midtre Heggtveit jorde i jorde og utskild frå denne i 1827, 1. 7.
Garden er noko brattare enn dei andre gardar i grenni og har ikr. 40 mål dyrka og 20 mål beite og innmark og 250 mål utmark. Det skulle utgjera nett det same som søre og midtre Heggtveit tilsaman.
Det er fleire uopna små gravrøyser å sjå på dette jordet -- i nærleiken av Vesleå som kjem frå Kolltveittjønni.

Husi på garden er i bra stand. Stoga er bygt i 1825 og stabburet er flutt frå Nordre Heggtveit.
Straks ovanfor husi -- oppunder Styvås er det merke etter den eldste husestaden på Heggtveit -- tufter og årehella ligg att.

Det gamle skulehuset for Åsgrend stod på denne eigedomen nede ved vegen -- bygt i 1860 åri -- no er det flutt opp på brotet nærare Dale og Gjelstad, men på same eigedom. ‏(1926)‏.

Den fyrste eigar her var som nemnt Gunleik Jørgensson g.m. Lisbet Knutsdotter Dei hadde berre 2 gjenter, ‏(Kristense og Aslaug)‏, Gunleik d. 1863.
Dotteri Kristense og Guttorm budde på garden fyrr dei reiste til U.S.A. ‏(1861)‏ og Aslaug d. her 1868 g. I m. Jørgen Bakken, Seljord, II Guttorm Kn. Øverland. Guttorm g. 1869 m. Bergit Johannesdotter ‏(Bjåland 155)‏. Då desse reiste til U.S.A. 1878, kom Gunnar Østtveiten som eigar. skjøte 8. 5. 78. Dotter hans Sigrid g.m. Sveinung Leivson Sandsdalen hadde så garden. ‏(1 barn, d. liti)‏. Sigrid døydde og Sveinung g. II m. Gunhild Jørgensdotter Heggtveit ‏(1892)‏. 3 gjenter ‏(Sigrid, Kari og Tone)‏.

Sigrid som var g.m. Sveinung Klasson Øverbø sit med skjøtet og saman med syster si Kari driv ho garden. Dei har fått mange premiar for oppal av Telemarkskyr, såleis ein ærespremie frå Norsk Hydro 1941 for Løvlin, stambok 3236, 1. pr. og 1. pr. avdrått.