Rue har høyrt inn under Flatland, gnr. 11, bnr. 1. Plassane ligg på vestsida av Vråvatn. I 1801 bur husm. Jon Johansson ‏(til år)‏ g.m. Targjerd Larsdotter ‏(45 år)‏ og Sigrid 17 år på Rui. På det andre Rui husm. Bendik Sigurdson 56 år og Sigrid Kjetilsdotter 39 år m/5 born. Ein kjøpekontrakt av 12.3.1829 viser at Olav og Jørgen Olavsøner Wrå sel Rue, nordre, til Olav Tjøstolvson for 150 spd. ‏(Skyldd. 20.10.1831)‏ Om Rue søndre har me ein bykslesetel frå 16.12.1844 der Petter Gunnarson. Wrå gjev feste til Kjetil Bendikson og kona Bergit jonsdotter på levetid plassen Rue, søndre, mot ei årleg leige av 4 speisidaler. ‏(Ved deira bortgang skal hus og jord gå attende til jorddrotten)‏. Vitne: Hans Aslakson Berge og Gjermund O. Wrå.

Olav Tjøstolvson nord Rue, hadde dotteri Tone g.m. Øystein. Son deira, Jon Øysteinson g.m. Hæge Olavsstr. Bilstad, hadde Rue, men selde det til Gunnar P. Flatland 6.12.1895 slik at Jon skulle ha det si tid. Dotter hans, Kristi g.m. Eivind Haukenes oreigna plassen i slutten av 1930 åri. Der er no nye hus, bare buret er gamalt.
På Su-Rue er Svein Odden g.m. Anne Torsdotter Reinskos sjølveigarar. Dei fekk kjøpa det av Olav J. Fjalestad. I 1880 åri budde Jon og Joronn der. Dei var borni av Kjetil og Bergit som bygsla plassen i 1844.
Plassane har kvar ca. 30 mål dyrka jord og omlag 50 mål skogmark.

Ad Rue. Den 17. okt. 1665 har Bjørn Wrå innstemnt Tarjei Flatland for hogst i skogen ved Rui som han kannar seg. Anstein Tveiten, Olle Viig, Åvald Ormtveit og Torbjørn Nordbø, Ulf Tveiten og Olle Haugen er lagrett.
Dei innstevnte «foregav at samme ødegaard hafr wekret brugt under Fladeland nu udi fierde Leed och udi begyndelsen oprydt ved deris oldefader Torgier Fladeland ‑ da Christofr Wraae lefvde.»
Det enda med at plassen vart deila i tvo like delar og Flatland fekk søndre parten og Vrå nordre. ‏(Sjå tingbok. 1‑2‑3 i avskrift.)‏

Eigar no er Hæge Eivindsdotter g.m. Halvor Bergan, Tørdal.