Pa ein flate ende nordom Vrådal kyrkje og tett vedvegen ligg småbruket Sanden - det har eingong kome ifrå Sinnes og er ein gamal plass. Skifte 9.1.1817 etter Jon Ånundson g.m. Anne Halvorsdotter Brt. 379 rd. Net. 323 rd., tilgode av Mikkel Ånundson Sinnes 350 rd.

I 1723 bur Jon Knutson og Bergit Huskuldsdotter på Sanden. Dei hadde g. seg 1717 og laut betala Mag. Stoud 10 rd. og 1 rd. i offer endå dei var fatige tenestfolk båe tvo.

Ånund Jonson ‏(1726-98)‏ g.m. Barbro Olavsdotter Lia bur her, og son hans Jon ‏(1761-1817)‏ g.m. Anne Halvorsdotter Kilen likeins.

Olav Torson Sanden ‏(1823-79)‏ g.m. Gro Tarjeisdotter kom hit omkr. 1860.
‏(Foreldri Tor Øysteinson (1773-1858)‏ d. på Årstad, men Kari Jansdotter ‏(1777-1864)‏ d. på Sanden.)

Son deira Tor g.m. Elen Olavsdotter hadde 9 barn alle fødde på Sanden. Gunnar, den yngre f. 1903 g. 1937 med Johanne Olavsdotter Kåsa, Nissedal, kjøpte eigedomen 1937 av Halvor T. Nordbø. -- Alle husi no er oppkosta av den noverande eigar -- og er i god stand. Det er 34 mål dyrka jord, 8 mål kulturbeite og 160 mål skog ‏(total)‏.

På eigedomen låg Smiesteinen -- kanskje den største i Kviteseid herad ‏(11 m x 10 x 4)‏ 4-500 m3. Denne steinen har ramla ned or Seljedalnuten. Det var visst smie under steinen, derav namnet. Då tyskarane kom til Vrådal og bygde bunkers her, fann dei ut at han skygde for utsynet, og så sprengde dei han i stykke og køyrde han bort. - Dei arbeidde i fleire år med det!