Dette er fyrste garden i Ordal sunnanfrå. Fint ligg han i solhalle eit lite stykke frå vegen. Husi er i god stand. Den gamle husestaden låg ca. 100 m lenger oppe i bakken så mesteparten av jordet låg mellom husi. Han som flutte husi heitte Øystein Eilevson. Det var ikr. 1850. ‏(Øystein 1791-1879)‏. Stoga er påbygt og innattbygt 1904. Uthusbygning ferdigbygt 1914. Veslebur 1795. Loftet, ny form utan svaler frå 1800 talet. I stoga er ein gamal kubbestol med 14 tenner i sessen, 2 krunesenger med samanhangande krune, rosemåla av Bjørn Bjålid, stogeklokke fra 1840, Eit gamalt veggskåp med gul oker måling, 2 dynnar nede, ope oppe, mange små speglar. Ei stor utkrota messing tobakkelås med namn Thorbiønd Stennersøn Holtene 1793 -- funni i åkeren på Omtveit ‏(sondre)‏ ikr. 1920.

Der er 40 mål dyrka jord og 5 mål anna innmark og 300 mål utmark, Eit bureisingsbruk Rue, nordre utskild 1930.

Ved å granske gamle skattelister kan ein finne sumt om garden Rue i Ordal. Han er rekna millom øydegardane i 1647 med ei skyld av 1 tn. ½ daler. Buskapen på Rue var 1 hest, 7 naut, 14 sauer i 1657. ‏(I lista etter Tytegrav og Hasleberg)‏.

Eigarar og brukarar. Tov Kvålset eig Rue 1633 og betalar skatt av 1 ½ tn. Litt seinare Bjørn Tarjeison Kvålset som var ettermannen hans der og gift med Targjerd Aslaksdotter
Bjørn Midtbøen -- kanskje den same eig 1 tn. 1643-44.

Ved manntalet 1661 er nemnd ein Egil Rue på ¼ gard ‏(øydegard)‏. Elles er Rue på framande hender framover i 1680 åri. ‏(Steinulv Skeie, Aslak Meås, Asbjørn Gotuholt)‏. Eit dokument frå 20. 2. 1702 der Åvald Guttormson i staden for mor si ‏(Hæge Eivindsdotter Omtveit)‏ melder at Asbjørn Tovson har selt ½ tn. m.b., over 1 tn. i Rue i «Ondahl» for 50 rd. og broren Guttorm Tovson selt ½ tn. der uti for 16 rd.

Hans Aslakson Rue f. 1710 g.m. Mari Åmundsdotter i 1743 kjøpte Rue i Ordal 1742. Son hans er Aslak Hanson Kvålset som vert g. i 1777 m. Tone Johannesdotter Rue, Ordal.

I 1730, 14. 4. er det skifte etter Torjus Tovson Rue g.m. Torbjørg Sondresdotter 5 born ‏(Kjetil, Torbjørg, Tårand, Gunhild «6 år, vanvittig», Åshild)‏. Br. 157 rd. Net. 107 rd. Medrekna jord i Rue 1 tn. m.b. 140 rd.
Lauverge Anstein Holtan.

Det ser ut som garden skifter tidt eigarar. I 1755 døyr Sveinung Øysteinson Rue 69 år. Ein Knut Rue og Astrid Tovsdotter har fleire ungar som er nemnde. Tor f. 1759, Bjørgulv 1763, men i 1765 døyr Astrid 44 år og sonen Bjørgulv 8 dagar. I 1767 har Knut Rue barnet Astrid til dåpen, då er han oppattgift. 1766, 27. 12. vigde enkemann Knut Tjostolvson Rue og Svanaug Hansdotter Svanajord. Denne Knut var bestefar åt Knut Tovson Utbøen, klokkar i Seljord ‏(Kyrkjebø 136)‏.

Skifte på Rue 1817, 10. 2. etter Gro Olavsdotter g. m. Såve Hanssom ‏(Hans ½ år)‏. Brt. 400 rd. Net. 400 rd. irekna jord i Rue 300 rd.
Ditto 1820, 8. 2. etter Gunhild Olavsdotter ‏(kanskje syster åt Gro)‏ g.m. Sveinung Tovson. 5 born ‏(Tov, Olav, Guttorm, Tor og Guro)‏. Brt. 88 rd. Net. 55 rd. ‏(Ikkje jord)‏.

Omkring 1820 * er Øystein Eilevson ‏(1791-1879)‏ g.m. Sidsel Danielsdotter bonde på garden. Det var han som flutte ned husi der dei no står. Sonen hans Aslak Øysteinson hadde så garden fram til 1882. Skjøte frå han til Torbjørn Steinarson Groven i Åsheimgrenni 6. 3. 1882. ‏(Holtan 11)‏.

Torbjørn d. på Rue 1905 og enka Helga Andresdotter sat med garden til 10. 1. 1916 då sonen Steinar overtok. Han var g.m. Ingebjørg Halvorsdotter ‏(Svanajord 34)‏. Steinar Rue dyrka opp mesteparten av garden og bygde og stelte på husi -- og fekk for sitt arbeid med fedragarden Tor Vå's 1. pr. 1919. Han fekk elles Telemarks Landbruksselskap sylvmedalje og diplom 1926.

Den noverande eigar Torbjørn Steinarson overtok etter mori 15. 6. 1945. Han er g.m. Tone Taraldsdotter Kvålset.

Oppe i jordet er ein flekk som heiter Døen. Det skulle vera ein mann som hadde stole og vart dømd frå livet, men så baud dei han fri dersom han kunne slå ein teig på Kvålset i Krokanjorde på ei svært kort tid. Dette greidde han, og teigen han slo på Kvålset fekk nemndet Tjovpina. Så kom han til Rue og slo ovanfor stoga, men då stupa han død og staden han stod slo på fekk namnet Døen.

Plassen Kleivrud
Har vore 2 plassar østre og vestre -- ‏(den siste høyrer no til Sporastaul frå 1909)‏. Steinar T. Rue kjøpte innatt østre ‏(42 øre skyld)‏ 19. 5. 1915 for 1000 kr.
På Kleivrud budde Olav Guttormson Skare ‏(1785-1855)‏ g.m. Guro Halvorsdotter Loftsgarden og sonen Guttorm ‏(1814-45)‏ g.m. Anne Johannesdotter ‏(Åmtveit 56)‏. Systeri Tone O. Kleivriid ‏(1825-1908)‏ g.m. Halvor O. Mæland ‏(1829-1908)‏ lærar, sist lensmann i Lunde.
På Kleivrud miste ein gut livet. Han drog ved ovan skogen og fekk ei snøskride over seg. ‏(Andres Andresson Langkos, 1851-67)‏.