I austhalli i den store Omtveitkvæven, ligg denne garden med 20 mål dyrka jord og 35 mål beite og slåtte og 300 mål skogmark.
Husi er i god stand. Stoga gamal, men oppstelt og måla i nyare tid. Loftet -- i nytimra form, er frå 1750. Uthusbygningen 1921. Reiskapsrom og vedskjol 1850.

Garden var tidleg dela frå Nordigard. Alt i 1693 finn me Leidulv eigar av 2 2/3 tn. og i 1712 2 ¼ tn. Dette er son åt Øystein Vigleikson som det er skifte etter 17. 2. 1684 ‏(d. 100 år gl.)‏. -- På Sudigard er det ætti av Torvild Leidulvson som held fram i fleire ættleder. I 1740 heimlar far og son tilsaman 2 ¼ tn. ‏(13. 6. 1740)‏. Kona av Torvild heiter Anne Egilsdotter 2 born ‏(Leidulv f. 1703, Bergit f. 1707.)‏ Torvild Leidulvson g.m. Aslaug Tallevsdotter får skjøte på 2 ¼ tn. 10. 12. 1770. -- Far hans er det skifte etter 4. 11. 1766. Brt. 806 rd. Net. 299 rd.
Med sonen åt Torvild og Aslaug Tallevsdotter han Leidulv g.m. Bergit Tallevsdotter ‏(Kleiv 29)‏ ‏(d. på Omtveit 1796)‏ går ætti ut på Sudigard Omtveit.

I 1808 er Tormod Tallevson eigar av Sudigard, men i 1815-21 Olav Halvorson -- «1845 Lars Halvorson bo».
I 1852 er Tron Olavson eigar av søndre Omtveit.
1821, 24. 11. Ein grensegang der ein ser at Halvor Olavson Huvestad m/svoger Bjørgulv Såmundson eig nordre Omtveit -- og Egil Egilson søndre Omtveit.

Gunnar Jensson ‏(Svolsbru 222)‏ g.m. Tone O. Nystaul kjøpte Sudigard Omtveit omkr. 1860.
Sonen Knut Gunnarsson ‏(1845-1925)‏ fekk skjøte frå mor si 1898, 18. 4., for kr. 6800. Omsberg medrekna. Knut hadde garden til han døydde.

Halvor Husås kjøpte garden av buet 1927, han selde det til den noverande eigar Gunvald Barstad 1946.
Halvor vølte på alle husi og dyrka opp mange mål jord. Han fekk til ein stor hage med 200 tre. Som brukar hadde han Olav S. Runningen, Morgedal.

Det er i seinare tid fråselt fleire tomter og jordpartar m.a. Omsberg til Edvard Eilefsen og Brattland til Olav O. Runningen.