På ein malmkross utanfør kyrkjedøra på Kviteseid gamle kyrkjegard, syner grava ved sida av Amund Sundt. Her er det skrive: Herunder hviler støvet af Marthe K. Sundt født Limert på Kongsberg den 14.april 1807. Død i Hvideseid 1 marts 1894. Fred med ditt støv, hædret være dit minde.
‏(Denne innskrift har feil dato og årstal etter kyrkjebøkene)‏

På den tid Marthe levde, var det ofte dei sydde likkleda sine sjølve. Ho hadde i lang tid føreåt, sydd desse,og mor mi fortalde ho hadde dei liggande i kommodeskuffen. Mor var med henne og hekla blondene. Marthe fortalde at i brudlaup og gravferd var det dans og slagsmål, og når dei skulle i slike lag, tok dei alltid med seg feslefiller,for det var ofte at blodet flaut.

Harald Oppebøen