Dette bruket ligg ende ovanfor Grave nedre, oppe på bakkebrotet med noko ujamt og bergut jorde. Etter att å døma det eldste av desse tvo *. Ei skylddeling frå 28. 2. 1839 gjeld truleg desse eigedomar.

Det er ikr. 15 mål dyrka jord og 180 mål utmark. Jan Grave kjøpte innåt Vesle Brandbu -- ein liten plass som no er attlagd. Der har butt folk til 1910. Halvor Brandbu lever visst endå og bur i Stokke.

Her budde Olav og Tone Vesle‑Brandbu. Dei reiste til U.S.A. i 1885 med 2 born. Eilev son deira var heimatt for nokre år sidan. Stoga var borte, men leikarsteinen like ved fann han att og sat og kvilde seg på. Eilev skulle då vera støytrik.

Vesle‑Brandbu betala Jan Grave 900 kr for. ‏(Kjøpekontrakt 12. 3. 1901 frå Bjørgulv Sørensen Tveit ‑ eigar av Brandbu.)‏

Asbjørn Lid kjøpte Grave ikr. 1903 og i 1911 får han kjøpe Vesle‑Brandbu innåt av Bjørn Brandbu, ‏(503 kr.)‏. Asbjørn d. 1954 og sonen Kaare Lid f. 1916 har overteke eigedomen.

Husi er gamle, men i brukeleg stand.

1844, 30. 5. eig Øystein Janson, Grave øvre, skyld 6 sett. m/Finnekosi ‏(Grave med Transtaulheii 3 sett. og Finnekosi 3 sett.)‏.