Dette var nok hovudbølet då Homme og Flatland var ein gard. No er det ein gard av dei jamne som er ikkje så mykje å merkja seg. Husi er i brukeleg stand. Her budde Olav Homme g.m. Sigrid Hauge. Dei utv. i 1880 åri, og Mikkel Petterson Flatland kjøpte det. Stoga opphav. gamal, men Mikkel bygde innåt og kledde huset. Sonen Petter sette opp uthusbygningen. Petter Mikkelson døydde 1955. I skiftet etter han har Torgny H. Kråkenes fått garden.

I 1852 er det berre ein Hommegard -- som Hans Clausen og John Evensen har ått, men då har Torjus Tovson Ormtveit kome inn som medeigar etter John Evensen.

Garden må ha vorte dela i 1850 åri, for i 1864 er det 2 bruk med Ole Olsen på løbe‑No. 154a og Tor Pettersen på løbe‑No. 154 b og c. ‏(Mandt 62.)‏

I 1801 er ikkje Homme i Vrådal nemnt. Fyrst med Ånund Sveinson Hægeland ‏(Dale 41)‏ g.m. Tone O. Bergland får me fotfeste her. Borni deira, Dagne f. 1804 og Anne f. 1806, på Homme. Dei sjølve døyr her, han 1837, ho 1844. Anne g.m. Olav Jørundson bur på Homme i 1832 då dotter deira Tone vert fødd. ‏(0. Jørundson d. på Homme 1833.)‏

I 1864 er Ole Olsen eigar. Han sel det truleg til Mikkel P. Flatland då han dreg til U.S.A. i 1880 åri. Mikkel har det i 1889 og 1905.