Dette er hovudbølet av Heggtveitgardane. Ein gard med noko hallande jorde under ei lågvori åslid - Terdalsfjellet -- midt mot middagssoli.

Husi er gamle. Stoga frå 1813, løda 1824, stabbur 1820.

Aslak Olavson Tveit bygde her. Endrejordkarane frå Seljord bygde husi -- allvisst buret, ‏(1 høgd)‏.

Det var staule her fyre Aslak tok fatt ikr. 1810. No er her 20 mål dyrka jord, 12 mål anna innmark og 300 mål utmark. Plassane Terdal og Kvæven høyrde til. Den fyrste attlagd 1890, den andre 1870. Eit lite rim ‑ som også er kjendt i Hjartdal -- er tillagt desse plassar.

«Auver Terdal er fæl, vil slå Tore Kvæven i hel, ‑
men so fekk dei Tormod Heimdal te å binde han so vel.»

På Kvæven budde sist Eivind Olavson og Susanne Apalstoi, omkr. 1870.

Etter Aslak ‏(rudningsmannen)‏ hadde Eilev skomakar, sonen hans garden, men garden kom på handel og skifte eigarar. Halvor Aslakson Åbø ‏(lærar)‏ hadde Heggtveit frå 1880 åri til 1900 ‏(Åbø 70)‏. Tor Vå kjøpte det av Halvor, og i 1910 kjøpte den noverande eigar Kristoffer Strandrak g.m. Signe Tovsdotter Neset, ‏(Nissedal)‏ eigedomen.

I 1910 hadde Tor Vå båe Heggtveitgardane, Heimdal og Raudkleiv og selde alt på same tid.

Innunder ei låg skoglid av bjørk og gran i ein brei, open dalglup med storfelt utsyn sud og austover, ligg denne garden. Der er 35 mål dyrka jord, 10 mål utrustir og 1000 mål skog.

Stoga gamal, men innattbygt og påbygt 1920. Stabbur i ny form bygt 1702, med flate, breie stolpar på svalklædningen, utan utskurd. Uthusbygningen frå 1945 har avløyst den gamle timra løda og fjøset som stod på vestsida av våningshuset.

Plassen Haugen har høyrt til. Bjørgulvstaul og Ånerljod fråseld til Hans Bergsland og Anna O. Breidalen, ‏(1940)‏. Bjørgulvstaul nytta til 1950. Der er stoge og stall til 2 hestar, men fjøset er neddotte.

Garden har vori i ætti frå 1830 då Aslak Olavson Tveit kjøpte han. ‏(Utbøen Il.)‏

Sonen hans Olav Aslakson g.m. Sigrid Olavsdotter ‏(Veum i Fyresdal)‏ hadde så garden. ‏(1860-1935)‏ No er det sonen deira Johannes ‏(f. 1890)‏ g.m. Marie Egilsdotter som har garden, ‏(overtok 1937)‏.

Breidalen er rudd fyre år 1700. I eit skifte på Tveit nordre 1728 opplyser Egil Bjåland som då eig n. Tveit, at far hans, Johannes «hadde bevilget salig Jon Tallevson g.m. Ingebjørg Jansdotter at oprydde denne plass Breidalen». No var båe døde. Plassen hadde vori svara rettughet av til n. Tveit i dei siste 34 år, ‏(sjå Tveit)‏. Rette rudningsmannen seier bonden i søndre Tveit ‏(Olav Andersen)‏, er Jan, far åt Ingebjørg.

Ingebjørg Jansdotter vart enke og gift att med Ståle Olavson, Ståle g. II Aslaug Larsdotter av Gråætti. Sonen deira Olav g.m. Maren Kjetilsdotter var foreldri av rosemålaren Søren Olavson Breidalen. Jon Sørensen Sunde ‏(1783-1857)‏ var og rosemålar, ‏(sjå Rosemåling i Telemark Q

Sigrid Sørensdotter (1792-1860)‏ g.m. Halvor Aslakson Haukom budde på Meidalen i 1820 åri -- altså fyre Aslak Olavson.