Like ved grensa til Seljord i ei bratt nordhall med utsyn over Meåsgardane i Seljord ligg dette småbruket. Den gamle husestaden var litt lenger oppe og aust mot Tollehåmåsane. Far til Severin Tollehommen ‏(1822-92)‏ flutte ned husi. Garden har vori ætti sidan 1848 -- i 4 ættleder. Den dyrka jord er 20 mål og 10 mål elles og 150 mål utmark. Husi er i god stand.

Ei slåtte Hagajorde -- truleg ein gamal plass med merke etter tufter i Knutskos -- har høyrt til garden til 1937 då Aslak Tarjeison Østtveiten f. 1919, kjøpte det og fekk i stand bureising.

Der er no oppdyrka ikr. 10 mål og oppsett nye hus.

I same eigedom er ein gamal gravplass. Ein kan sjå i alt 7 gravhaugar med berre nokre meters mellomrom. Kvar haug er 4-5 m i tverrmål med rund steinsetning og jordfylling i midten. Berre ein av haugane er utgravne. Der fann dei noko av ein hovudskalle -- fortalde Johannes Tollehommen ‏(f. 1892)‏ som sjølv hadde vore med å grave der.

No er gravplassen kjøpt frå Hagajorde og lagt til nordre-Åse der Tore Tarjeison Gjelstad er eigar.

Tollehommen har hatt desse eigarar av same ætt:

Tor Sørensen opph. frå Porsgrunn åtte det fyrst, sidan sonen Severin og Gunlaug Johannesdotter Etter dei Tor Severinsen ‏(skomaker)‏ og Jorunn Jørgensdotter Heggtveit, ‏(1918, 15. 11.)‏. No er det Karine Sørensen ‏(dotteri)‏ som har skjøtet. -- Ho overtok etter broren Severin i 1932, 20. 2.