Denne garden ligg lengst aust i Sandlandgrenni; der er berglendt og bratt, men og stykke med myrdyrkning. Omlag 20 mål dyrka jord og 20 mål innmark og 500 mål utmark.

Endre Knutson rydda denne garden i 1840 åri ‏(Skyld. 24. 10. 1845)‏. Det var berre ei slåtte lenge sidan ‑ med eit høysel. I tunet stod der stor skog som Endre styvde ned og timra jamvel løde av. Elles sette han opp alle husi og fekk brote opp åker og overflatedyrka nokre mål jord.

Etter Endre var død 1887, hadde Olav garden og sidan broren Knut Endreson g.m. Bergit Augonsdotter ‑ Knut Hansson Lid, Seljord kjøpte det av Knut i 1890 åri. Der var fleire brukarar framover m. a. Aksel Albrektsen ‏(Skogsmark)‏, Eivind Meinstad, Kristoffer Undeberg, Petter Hògsrud og så Eivind Sveinson.

Eivind S. Sandland ‏(f. Åse)‏ g.m. Ingebjørg T. Listaul ‏(Dyrlandsdalen)‏ kjøpte garden i 1901 av Knut Lid. Eivind og Ingebjørg har fått opp ny uthusbygning ‏(1949)‏ og stoga er påbygt og innreidt og klædt ute og inne i seinare tid. Eivind har dyrka opp 20 mål jord og fekk som påskyning Tor Vå's premie 1950. ‏(6 skeier i etui)‏.

Kona Ingebjørg har vore dugande husmor og budeie. I 30 år sat ho på staulen saman med borni sine frå dei var små. Berre 14 dagar gamal var ein av ungane då han vart teken med på heii -- og tvo av ungane vart fødd på staulen. ‏(Tjønnestaul)‏. Ho fekk budeiepremie 1948 av Telemark Landbrukselskap.