Skare ligg om lag midt i Morgedal, oppe i sohalli godt synleg frå vegen. En fin gard med gilde hus, 80 mål dyrka jord ‏(35 mål nydyrka)‏, 50 mål beite og slåtteland og 900 mål skog.

Stoga er frå 1650, men innåtbygt og oppstelt i nyare tid. Stabburet er fint med utskurd. Uthusbygningen. er bygt 1940.

Garden er gamal så ingen veit kven rudde han, men visst veit ein der har butt folk i om lag 400 år. Den ætti som sit på Skare no, kom hit i 1778. Det skifte med ætt og eigar på Skare i eldre tider. I eit uprenta diplom frå 1630 er nemnt ein Osvald Skare som saman med Trond Ålandslid, Lårdal, makaskifter 1 ½ tn. i Trontveit, Nissedal, med 1 ½ tn. i Utsund med Tarjei Tallevson Håtveit -- odelsjord som kona hans åtte. -- Eit ditto frå 1651 der Bjørgulv Osvaldson Skare sel 3 kvartel gods i nordre Utsund til Halvor Sondovson Midgarden. Bjørgulv eig 1 ½ tn. i Utsund, ½ tn. i Rue og 1/3 tn. i Donstad.

Fyrste brukaren som er nemnd, heiter Gundolf. Han svarar arbeidskatt 1593, det er då berre øydegard. Etter 1647 halvgard som er rekna 2 tn. skyld -- 3 daler.

I 1609-11 er Gullik brukar og i 1619-20 Trond, så Jakob ‏(1624)‏ «bruger og odelsmand». Etter han Osvald ‏(1629-40)‏ som dessutan eig 1 ½ tn. i Årak *. Rasmus brukar 1641 og Knut 1644-47. Koppskatt vert betala av Eivind m/hustru 1645. I 1648-59 skattar Asbjørn Loftsgarden av 2 tn. m. byksel og i 1660 Gunnuf Ålandslid av det same.

Buskapen 1657 er 1 hest, 7 kyr, 10 sauer og 1 geit. Ved manntalet 1661-62 er oppført som brukar «enchen» -- kanskje kona av Johannes som bruker garden næst fyre, ‏(1651-61)‏.

Ved folketeljingi 1664 er Olav ‏(Oluf)‏ 70 år med son Torjus 24 år og husmann Kjetil 20 år.

Og brukarane skifter i eitt framover. I 1672 Torjus Olavson, 1675-81 Ådne, 1682-85 Bergit, 1686-88 Knut, 1691-95 Torkjel, 1697-1710 Olav ‏(1 tn. m/byksel)‏. Frå 1721 til 1751 er Knut Hansson ‏(Lid, Selj.)‏ brukar og etter han H. Løvenskiold ‏(1756)‏, Anne Kivle ‏(1764)‏ og Guro Knutsdotter ‏(1767)‏. Etter desse kom brorsonen Aslak Aslakson, som så byter gardar med Johannes Guttormson som då eig Rue i Ordal. Heimel på 2 tn. 9. 11. 1778.

Ætti etter Johannes sit på Skare den dag i dag. I skifte på Skare 31. 8. 1786 etter Johannes får Guttorm heimel på 1 ¼ tn. og broren Olav ¾ tn. ‏(Vesle-Kallåk.)‏

Men 24. 6. 1811 heimlar Johannes Guttormson 1 ¼ tn. ‏(Skare)‏. Han er g.m. Gunhild Bjørnsdotter Sonen Guttorm g.m. Åse Sveinsdtr, har visst både Skare og Sollid. ‏(Han d. på Sollid 1896, ho d. på Sollid 1909.)‏ Guttorm fekk skjøte på Skare 28. 8. 1854.

Broren Bjørn Johannesson og Torbjørn Råmunddalen får skjøte 4. 9. 1876 og sit med elgedomen nokre år. Men så går det i handlar til skylde og uskylde, og oftast er det fleire om handelen. I 1890, 10. 5. vert det tinglese skjøte til Margit Torbjørnsdotter og Åsmund V. Hylland og Åsmund Brekke. -- Desse har garden i 3 år. Så får Gregar Utabjå g.m. Bergit Aslaksdotter Brekke garden. Kjøpekontrakt 23. 6. 1893, ‏(tingl. 20. 7. 96)‏. Jørgen O. Råmunddalen g.m. Tone Guttormsdotter Skare får heimel 20. 7. 1896. Han har eigedornen i 16 år til Åsmund Høydal g.m. Sigrid Gregarsdtu. Utabjå overtek 25. 6. 1912. Lærar Johannes Guttormson Sollid ‏(Skare 25)‏ g.m. Anne Engebretsdotter, Hallingdal får tingl. skjøte på Skare 25. 9. 1916 -- og sonen Gunnar Sollid g.m. Kristi Olavsdotter Haugan ‏(Svanajord 48)‏ får skjøte 22. 1. 1929.

Skare har vorte nokså mykje sundskore og fråselt og partane handla med.

Nemnast kan at det i 1878, 2. 12. var skylddeling på Skare der bnr. 2 vart skild ifrå. ‏(Skogen frå garden)‏.

Ditto 1904, 12. 9. der Sollid nedre bnr. 5 vart skild frå bnr. 1 og 2. Endeleg 1906, 9. 10. då eit sykke bnr. 7 vart fraskilt.

Den forrige eigar Johannes Sollid, prøva å samla fleire av desse luter til eit heile. -- Såleis i 1924, 8. 4. vart gnr. 78, bnr. 2, 7 og 8 slege saman i ei skyld.

I 1911, 26. 6. får Johannes Sollid kjøpt bnr. 7 ‏(skyld 1,72)‏ av j. O. Råmunddalen -- og i 1916 i handelen med Åsmund Høydal fylgde bnr. 1 ‏(ein rest av Skare skog 0,15)‏ og bnr. 2 ‏(Skare innmark 1,52)‏ og Skare søndre ‏(bnr. 8 med (1,84)‏.

Som ein ser er det berre bnr. 5 som ikkje er innattkjøpt ‏(Sollid nedre)‏.

Den noverande eigar Gunnar Sollid har dyrka omlag 40 mål og fekk Tor Vås pr. for jorddyrking i 1940.

Sidan 1932 hev han drive med pelsdyral.