Omsberg er nokså gamal plass og har høyrt til sudigard Omtveit til ikr. 1937.
Den gamle husestaden var noko høgre opp, men husi kom til nedfalls og rotna bort. Sist budde Torjus Omsberg og Aslaug der. Dei flutte til Halvfardalen i Ordal ikr. 1880.

Edvard Eilevson Heggtveit ‏(i Tveitgrend)‏ g.m. Anne Eivindsdotter Meinstad, kjøpte Omsberg av Halvor Husås som då åtte sudigard Omtveit. Bureisingsbruk frå 1937 -- med nye, gode hus. Der er 15 mål dyrka jord, 15 mål dyrkbart og 330 mål utmark.
Edvard har vori skomakar.
Sonen Arne g.m. Kari Bakken er no eigarar.

Av namn i utmarki kan nemnast Langsamdalsmyri, ei utslåtte med merke etter eit høysel lenger nede i fjellet.
Oppi fjellet ovanfor Omsberg står som eit bilete i fjellet. Biletet kallar dei «Omsbergbispen.»