Etter garden vart dela 4. 12. 1827 hadde Halvor O. Svalastoga den nordre luten. Vigleik sel sin lut til Bjørn Tarjeison Bjålid som flyt til Sandland i 1833.
Jordet på garden er noko bratt og ujamt så der er mykje ljåslått endå. 18 mål dyrka, 20 mål udyrka og 500 mål utmark.

Det er den kjende rosemålaren -- som m. a. har måla på Loupedalen 1838. I 1844, 26. 2. pantset Bjørn garden sin til Hypotekbanken for 250 spdr. mot 1. prioritetspant i garden. ‏(Avlyst 1. 12. 1880)‏.

Bjørn selde garden og flyt til Fiskarbekk i Seljord og d. der 1859. Gunnuld Aslakson Sønstveiten kjem til gards 1850. I 1861, 24. 6. skriv han ut ein obl. til Hypotekbanken på 140 spdr. mot 2. pant. Ditto 11. 10. 1869 på 200 rd.

Olav Gunnuldson ‏(Røvmål 182)‏ har så garden og tek opp eit nytt lån i Hypotekbanken på 1200 kr. 6. 9. 1880. Han var g.m. Margit Endresdotter Sandland.

Olav Gunnuldson selde Juvstaulbakkane ‏(Lofthus)‏ 16. 6. 1876 til Hans Gjermundson Øygarden g.m. Ingebjørg Sandland -- dei siste som budde på Lofthus.

Olav døydde av lungebrand -- og enka gifte seg att med Knut Såmundson Sandland. Han greidde seg ikkje så lenge på garden og Hypotekbanken dreiv eigedomen til auksjon i 1890 åri.

På auksjonen kjøpte Olav og Hans Skretveit, Vrådal elgedomen. Andreas K. Hesthagen kjøper garden 2. 3. 1901 ‏(«tiltrædels» 14. 4. 01)‏. Tingl. skjøte 9. 7. 1906. ‏(Kj.sum 7000 kr.)‏. A. K. Hestehagen skriv ut eit skadeslausbrev til Kviteseid Sparebank på 3000 kr. ‏(16. 7. 1906)‏.

Garden kom andre gong til auksjon og då kjøpte Eivind O. Groven g.m. Gunhild Andreasdotter garden i 1935.

Den noverande eigar har i desse 20 år han har hatt garden gjort ymse forbetringar med hus og jord, bygt på løda, lagt inn springvatn, bygt innåt eit rom til kjøken o. a.

Husi er no i bra stand. Stoga gamal, klædt innvendes av Hans Skretveit, utvendes av Andreas Hestehagen. Loftet er gamalt med noko utskurd, især veggene i andre høgdi som er breie og store og skal vera restene av veslebur på hovudgarden.

Kona Gunhild gøymer ei sermerkt tægje med 7 ringhøgder i loket. ‏(Kinnlag og og gamal rosesaum og hekling)‏.

Vårstaulen ‏(Kvåle)‏ har vore staule til garden, men er no utlagt til beite.