Namnet kjem truleg av mannsnamnet Orm, men utenkjeleg er der heller ikkje at solhalli her med Småurder under knausane, var vanleg tilhaldstad for orm og at namnet skriv seg frå dette.

Eigedomen går nedåt Vråvatn og ligg millom gardane Hægeland og Homme. jordet er noko hallande og hekut og har sermerkt morenemold. Bygdevegen som ligg nære vatnet her, går ende nedom husi på garden. Tunet er noko uregelrett avdi uthusbygningen har fått noko forkjær plass nedom stabburet. Men truleg noko heldigare plass likevel etter flutnaden nordanom stoga der den var oppsett i 1911. – Stoga og stabburet er mykje gamle. Stoga var eingong oppsett som røykstoge, men er seinare omvølt og innattbygt. Buret skal vera frå millomalderen. Det er enkelt utstyrt utan nemneverdig utskjering. Bryggerhuset er frå 1904.
Samla var Ormtveit ein stor eigedom med 7 000 mål utmark og 70 mål innmark.

Garden vart dela i 1857, 22.6. millom tvo brør, Åvald og Torjus Tovsøner. Åvald fekk søndre parten som i dag er gnr. 9, bnr. 2 og Torjus nordre luten. ‏(Nordvik gnr. 9, bnr. 3)‏.

Eigarar
Det fyrste ein høyrer om Ormtveit er i eit uprenta diplom frå 12.3.1587. Det gjeld odelen. Tre lagrettmenn Tallak Torbjørnson, Osvald Olavson og Kjetil Eivindson lyder på vitneprov ved Skafså kyrkje. Gisle Klauvreid ber fram ord frå Toronn, vermor si. Ei gamal kvinne ‏(ikkje namn)‏ hermer det Dreng Bergeland har fortalt, og Gunnar «Byffland» vitna det hans salige far hadde sagt. Alle desse 3 provi samstava godt. Den fyrste odelsmannen til Ormtveit heitte Tallev. Han «bode der lang thidt.» Dotter hans, Gunhild, fekk så garden, så hennar dotter att Gudvei, og vidare Hæge, Gunvor og Anne. ‑ 6 ættleder med odel. ‏(Tallev liver straks etter svartedauden.)‏ Ein Svenke Torkelson ‏(Lårdal)‏ gjer krav på odel, men det nektar alle vitni. Likevel har no Svenke fått til seg ein jordpart i Ormtveit, på ein eller annan vis, for i 1598, vitnar fire lagrettsmenn, Ånund Torkelson, Alv Gunison og brørne Knut og Sigurd Bendiksøner at Svenke Torkelson sel 8 markabol i Ormtveit til Sigurd Ledvorson. Dette jattar sønene hans Vigleik, Torkel og Villum. Betalingi 124 rd. har Svenke motteke in natura. ‏(1 hest 11 rd., 3 kyr 12 rd., 2 sauer 1 rd., tellebille 1 rd. og m. a. ein raud stakk, ein blåranda duk, eit tre skjeft tjeld, ei tn. korn, tre «løbe» smør, kjetilar o. m.)‏

Eit prenta diplom frå 8.4.1607. -- Ei sak millom Guro Orrntveit og sonen Bjug Sivertson på den eine sida og Olav Taraldli på vegne av kona og sjukborni honoms om 3 markabol i Homme ‏(Lårdal)‏ som Sivert Ledvorson far til Bjug ha selt til Kjetil Bendikson far til sjukborni av O. Taraldli. Dom: «och samme kiøbebrev ikke kunde i nogen maade imod siige.»

Garden Ormtveit var rekna halvgard i 1647 med 2 1/6 tn. 3 daler skyld. Buskapen 1657: 1 hest 8 kyr og 8 sauer.
Eigarar og brukarar. Vigleik‑ Svenkeson betalar arbeidsskatt 1593-94 og Torgeir 1609-11, Orm 1619-20, Olav, leiglending 1622-41, Bjug Sivertson 1644-47, ‏(eismal)‏.
I manntal og folketeljingi 1664 er Åvald oppsitjar 50 år, son Gutom 20 år. Husm. Anstein 59 år.
Vald er odelsbonde 1660. Han er son åt Såmund Tallevson Nora og Tore Sigurdsdotter og g.m. Hæge Åvaldsdotter Ætti etter han har halde seg på Ormtveit sidan.

Gutorm Åvaldson og Hæge Eivindsdotter eig 2 tn. 1672-97, men Roholt kyrkja eig resten, 1/6 tn. i 1647. ‏(I 1672 er det Kv. prestebol som eig 1/6 tn.)‏ Skifte på Ormtveit 26.2.1669 etter Åvald Såmundson g. I Hæge Åvaldsdotter Il Guro Nilsdotter Dela lausøyra, men jordegodset skulle delast sidan.

Ditto 2.11.1680 etter Tore Sigurdsdotter ‏(g. I med Såmund Tallevson, II Kjetil Ofvestad.)‏ Ho eig 1 tn. i Sjøtsett 1 tn. i Ormtveit.
Ditto 11. 4.1701 etter Gutorm Åvaldson g.m. Hæge Eivindsdotter Born: Åvald 20 år, Eivind, Såmund og Gunhild. Brt. 100 rd. Net. 74 rd. irekna jord i Ormtveit 2 tn. 5 mæler 300 rd. Rue i Kviteseid 2 tn. m.b. 328 rd. Rue i Br.berg ½ tn. 50 rd.
Enka etter Gutorm, ho Hæge ‏(Hegge)‏ svarar skattar fram til 1709. Skifte 31.10.1709. -- No er netto eiga 417 rd. Ho har ått m.a. 1 tn. 2 ½ mæle i Ormtveit.

Åvald Guttormson eig 2 5/6, tn. 1713‑44. Det er skifte etter Åvald 9.11.1741 g.m. Hæge Åvaldsdotter -- på denne tid død. Born: Tov, 16 år, Guttorm 12, Åvald 6, og Ragnhild 20 år. Brt. 702 rd. Net. 563 rd. Jord i Ormtveit m/Vehus 2 tn. 10 sett. verd. 350 rd. Foldsæ 1 sett. 50 rd. Sylv 72 rd. ‏(Sylvbelte 22 cub. 15 rd.)‏

Tov Åvaldson ‏(1725-90)‏ g.m. Torbjørg Eiv.dtr. Dale har garden ‏(1747-65)‏ og får heimel 6.3.1770 ‏(2 5/6 tn.)‏ og 6.4.1780 1 59/60 tn. Dei hadde 11 born ‏(6 f. på Dale og d. små.)‏

Avald ‏(1751-1802)‏ g.m. Gjertrud Pettersdotter Mandt vert så eigar. Gjer.rud heimlar 2 5/6 tn. 1.3.1796. Der er no velstand på garden. Skiftet etter Torbjørg, mor åt Åvald, 3.6.1777. Brt. 6 817 rd. Netto 2 358 rd. med gardane Ormtveit ‏(2 tn. 10 sett.)‏ 1 000 rd. Dale i Vrådal ‏(2 tn. 6 sett.)‏ 1 000 rd. Midtsund, søndre ‏(3 tn. 1 sett.)‏ 850 rd. Fardal i Moland ‏(2 tn. 6 sett)‏ 700 rd. Lausøyra ikkje spesif. 356 rd. I 1802, 16.8 får enka Gjertrud Pettersdotter løyve til å sitja i uskift bu. Skiftet etter Gjertrud 20.4.1809. Brt. 2 558 rd. Net. 2 525 rd. Jord i Ormtveit 3 tn. 1300 rd. Dale 2 tn. m.b. 1100 rd. 5 born ‏(Tov 26, Petter 23, Torbjørg 18, Åse 12 ½ og Ingebjørg 8 år)‏.

Tov Åvaldson g.m. Ingebjørg Torjusdotter Bjørnstad er skriven for Ormtveit ‏(3 tn.)‏ 1815-21. -- Dei har garden framover til 1850 åri. Den 22.6.1857 krev Tov Åvaldson garden dela millom dei 2 sønene, Åvald og Torjus. Åvald ‏(1822-1913)‏ g.m. Ingebjørg Tarjeisdotter frå Skafså har garden til 1898 ‑ då Petter Åvaldson g.m. Sigrid Olavsdotter Holte ‏(u. Kråkenes)‏ kjøpte det av faren. ‏(Petter d. 1924.)‏ Den noverande eigar er Olav P. Ormtveit ‏(f. 1909)‏, som overtok etter mori 1.9.1947.

Plassar
Nokon vart delt til Nordre Ormtveit, og andre blei selde som eigne bruk som Sandland, Bergland og Hagen.
Åmter -- ein gamal gard med merke etter åkrar. Her skal ha stade eit gudehov, vigd Tor, men då kristendomen kom, vart hovet nedrive og ei kyrkje bygd på tufti. Ho fekk namnet Høytokyrkja etter Høytofjellet ovanfor. Det skal synast ævor etter ein kyrkjegard endå.

Staular
Kan nemnast; Hestakk, Støyldalen, Finndalen, Finnroe og øvre- og nedre Småstøylane.