Premiere : Ættesoga på kart
1. februar 2012 - 20:24:58

Laurdag 11. februar kl. 14.00, Biblioteket i Kviteseid

Ættesoga for Kviteseid har vore på internett ei tid og hatt mykje besøk.
På denne samlinga vil du for første gong* også kunne sjå kor forfedrane dine var på kartet.

No er alle stadane i ættesoga plassert på internettkart, slik at du kan sjå kor dei var fødd, budde og døde.
Geir Håkon Eikland kjem på biblioteket markenslaurdagen og viser og fortel korleis dette fungerar.

* Interaktivt kart på denne nettstaden vil vere tilgjengeleg 11.2. frå kl. 14

Fotoutstilling
1. februar 2012 - 20:23:35

Laurdag 11. februar kl. 11.00 på biblioteket i Kviteseid

Utstillinga viser om lag 60 bilete frå den eldre historia til Kviteseidbyen.

Historielaget vil vera på biblioteket:
fredag kl. 15.00 - 17.00 og laurdag kl. 10.30 - 15.00
Her vil det vera boksal. I år vil me selje heimbygdsogene til
John Skarprud, i tillegg til alle dei andre bøkene historielaget har gjeve ut.

Velkomen til dette slekt- og gardstunet
5. november 2011 - 19:58:35

Her finn du informasjon om personar med familieband til Kviteseid eller Vest-Telemark.
Du finn og soga til gardar og mange plassar ‎(sjå: eigedomar)‎ i Kviteseid kommune.
Det er du som avgjer kva som skal visast, alt etter dei val du gjer. Omfanget av
opplysningar endrar seg heile tida alt etter kva brukarar av nettstaden legg til.

Stammen av opplysningar er henta frå Kviteseid bygdesoge - ætte- og gardsoger.
Før var slektene meir stadbundne og soger enklare å skrive, men om du vandrar
rundt på tunet her, vil du finne personar frå heile landet - ja heile verda.
- Og alle med band til Vest-Telemark.

Målet er ikkje berre å vere eit oppslagsverk om gamal tid, men og om nye generasjonar.
Opplysningar om levande person blir ikkje vist av omsyn til personvern.

- Til no har det vore langt fleire hundre nye opplysningar kvar månad.
Registrer deg og bli med du og!

God vandring i ei spennande soge :-)

Kviteseid historielag, Kviteseid bibliotek
og Geir Håkon Eikland

Bli med å gjer nettstaden meir levande!
15. mai 2011 - 16:12:56

No kan du registere deg og vere med på å oppdatere ættesoga!
Klikk på Søk om brukarkonto til høgre på sida, for å bli brukar på nettstaden ...

• Det er gratis !
• Du vil få din eigen side der du kan ha dine eigne favorittar
  og ha kontakt med andre brukarar med meir ...
• Nye personar / familiar må ikkje vere frå Kviteseid.
  Einaste krav er at du kan koble dei til nokon som er registrert frå før.
• Det er lov å bli brukar utan å binde seg til å legge inn nye opplysningar!
• Du vil få sjå opplysningar om levande personar

Anna ...
15. mai 2011 - 16:10:43

Nettsidene blir jamnleg fornya med nye val og justeringar, seinast t.d.:
• Gardsoga er no lagt inn: Nytt val Eigedomar i menyen lister
• Lister for personar og familiar blir no vist i spalter
• Alle stadnamn kan visast etter det nivået du er i lista med stadnamn
• Liste med Topp 20 fornamn er forbetra
• Automatisk kobling til farsgrein ved registering av nye barn
• Betra sortering og vising av nasjonale tekn