10.000 nye personar i Ættesoga!
2. desember 2012 - 15:22:47

Det er no over 10.000 nye personar i Ættesoga jamførd med det som var i boka.
I tillegg er det gjort mange rettingar og tilføyingar til dei som var der frå før.

Ættesoga her er ikkje lenger berre slekt frå Kviteseid, men og familiar til inngifte.
Skal ein forske på slekta si, er alle greiner like viktige å få med!
Morosamt er det når greiner vert kobla saman, både i gamle og nye generasjonar ...

Takk til alle som har vore med så langt!

For meir informasjon, sjå Statistikk nede på sida.

Velkomen til dette slekt- og gardstunet
9. juli 2012 - 00:01:14

Her finn du personar med ætt eller familieband til Kviteseid eller Vest-Telemark.
Du finn og soga til gardar og mange plassar i Kviteseid kommune ‎(sjå: eigedomar)‎.

Tunet er tufta på innhaldet i Kviteseid bygdesoger - ætte- og gardsoge. Men du kan råke på
folk frå heile landet - ja heile verda. - Og alle med eit eller anna band til Vest-Telemark.

Det er mykje gamalt på tunet, men og mangt frå nyare tid. - Det er du som rår med kven
du vil råke på, at etter dei val du gjer. Tunet veks heile tida alt etter kva ættlingar ‎(brukarar)‎
på tunet legg att. - Til no har det vore fleire hundre endringar og tillegg kvar månad.
Bli med å byggje eller vøle på tunet du og!

Ferdafolk får ikkje sjå opplysninger om levande personar av omsyn til personvern.

God vandring på tunet :-)

Kviteseid historielag, Kviteseid bibliotek
og Geir Håkon Eikland

Endringar ...
8. juli 2012 - 23:59:33

Tunet blir jamnleg fornya med nye val og justeringar, seinast t.d.:
• Tilpassa for bruk av peikeskjermar
• Stader og slekt visast på kart
• Gardsoga er no lagt inn: Nytt val Eigedomar i menyen lister
• Lister for personar og familiar blir no vist i spalter
• Alle stadnamn kan visast etter det nivået du er i lista med stadnamn
• Liste med Topp 20 fornamn er forbetra
• Automatisk kobling til farsgrein ved registering av nye barn
• Betra sortering og vising av nasjonale tekn
 

Bli med å gjer nettstaden meir levande!
15. mai 2011 - 16:12:56

No kan du registere deg og vere med på å oppdatere ættesoga!
Klikk på Søk om brukarkonto til høgre på sida, for å bli brukar på nettstaden ...

• Det er gratis !
• Du vil få din eigen side der du kan ha dine eigne favorittar
  og ha kontakt med andre brukarar med meir ...
• Nye personar / familiar må ikkje vere frå Kviteseid.
  Einaste krav er at du kan koble dei til nokon som er registrert frå før.
• Det er lov å bli brukar utan å binde seg til å legge inn nye opplysningar!
  - Men du må ‎(bør)‎ ha familie her.
• Du vil få sjå opplysningar om levande personar